Sementeira 2016

[ para acceder ao material premer aquí ]


Galicia Fiddle estrea primavera cunha nova actividade.

En colaboración coa USC desenvolveremos un proxecto no que os máis cativos terán o seu primeiro contacto co fiddle e cuxo remate será a súa participación nun pequeno concerto.

A actividade terá lugar no mes de Abril e para ela imos necesitar unha pequena axuda por parte dos seus familiares quen, se o desexan, poderán participar ao mesmo tempo que o cativo no proxecto. Aquí tedes o programa de actividades:

Venres 8 de abril, as 18:00h
VIGO, O Lagharto Pintado (rua Rosalía de Castro 8 ,baixo)
Duración: 1hora

  • - Tomaremos nota dos participantes asistentes e toma de datos administrativos para dirixirnos a continuación á Biblioteca da Escola Municipal de Artes e Oficios (Rua García Barbón, 5).
  • - Explicaremos detalladamente a actividade e repartiremos o material de axuda para comezar a xogar na casa cos nenos.
  • - Tamén lles proporcionaremos os áudios para que se vaian familiarizando coas melodías.
  • - Faremos entrega dun violín axeitado ao tamaño do rapaz (en réxime de préstamo) para que podan empezar a practicar co instrumento.
  • - Dispoñemos de algúns instrumentos para os familiares que desexen incorporarse á actividade activamente.


Sábado 16 de abril, as 10,30h
VIGO, Locáis da agrupación de centros culturáis e deportivos (rua Ecuador 34. Perto da rúa Venezuela)
Duración: 3 horas con descanso de media hora

  • - Primeira clase na que os nenos e pais acompañarán diversas melodías segundo as indicacións que os mestres lles irán dando. O traballo a desenvolver é moi sinxelo: pizzicatos, golpes de arco básicos, notas pedal, acompañamentos rítmicos, cantar, gritar, bailar, etc.


Domingo 24 de abril, as 17:00h
XUSTÁNS, Estudios Ancestral (Pontecaldelas, Pontevedra)
Duración: 3 horas aprox.

Xustáns é unha aldea sita a 10Km de Pontevedra, en dirección a Pontecaldelas onde ten a sé da asociación Galicia Fiddle. No seguinte enlace tedes unhas indicacións básicas de cómo chegar: http://galiciafiddle.com/xustans.pdf

  • - 17:00h ENSAIO: Nesta ocasión será na compaña dos mestres e dos cativos de San Simón Fiddle.
  • - 18:30h MERENDA
  • - 19:30h CONCERTO: Trala merenda interpretaremos as melodías ensaiadas para todolos familiares alí presentes.


Venres 29 de Abril, as 19:00h
SANTIAGO DE COMPOSTELA, Paraninfo da Universidade (Facultade de Xeografía e Historia)
Duración: 1 hora

Como acto final, amosaremos o noso traballo nun fermoso espazo, corazón da Universidade Compostelana: O paraninfo da Facultade de Xeografía e Historia. Alí nos desprazaremos mestres, pais, cativos da Sementeira e moitos dos participantes da orquestra "San Simón Fiddle" para ofrecer aos asistentes un pequeno concerto no que interpretaremos as mesmas pezas que xa tocáramos no concerto de Xustáns, o domingo anterior.

Aproveitando este acto, Galicia Fiddle fará a presentación aos medios da V edición do SAN SIMÓN FIDDLE, e II de ENCORDASS adicada este ano a “China”.

Campus Culturae